About

SIMPLENGSEMPLANG

Hinubog ng panahon, minulat sa katotohanan, at pinagbuklod ng pagkakataon.

Ganito isinasalarawan ng ilang nakakakilala sa tropang simplengsemplang na kinabibilangan ng mga aktibong kabataan na bagamat hilaw pa sa gulang subalit hinog na sa paninindigan para sa bayan, mga kabataang may  takot sa Diyos at tungkuling ginagampanan sa pamayanan.

Pinangalanang simpleng semplang sapagkat ang kanilang mga pamamaraan sa pagpapahiwatig at pagpaparating ng kanilang mga opinion at saloobin sa bayan ay sa pamamagitan ng pagkanta, pagtula, pagsayaw at pagtugtog ng mga instrumento upang mas lalo nilang mapayabong ang kanilang mga ninanais sa sarili at sa inang bayan.

Nais lamang ng tropang ito na maunawaan ng mga tao ang kanilang mga mensahe lalong lalo na sa kanilang kapwa kabataan.

Ang kanilang sigaw! Tama na ang bangayan sa pamahalaan! Tama na ang pamumulitika! Katotohanan ipaglabanan! Kami naman na mga kabataan ang pakinggan!